Blog से कंटेंट Copy करने वालों को कैसे रोके

Kuchh Log Hamare Blog Se Content Copy Karke Apane Blog par post publish Kar Dete hai. Aisa karne se google search me hamare blog ki rank decrease ho jaati hai, Content Ko Copy Hone Se Kaise Bachayen

Add Comment
  • 2 Answer(s)
    Best answer

    How to Protect Website Content From online thieves

    Internet ki duniya me karodo websites hain. Aaj ke samay me Lagbhag  sabhi subjects par information internet par available hai. Din prati din internet upbhogtao ki sankya badhti jaa rahi hai. Aur copy right content ke chori hone ki ghtna ye bhi aaj kal abhut badh gayi hai.  

    content copy karna

    Kisi bhi Vishay par vistrut lekh taiyaar karne me kafi samay lagta hai, aur kadi mahenat bhi lagti hai. Aisa dekha jata hai ki bahut sari prasddh websites ke dvara publish kiya gaya content, kai sari websites copy kar leti hain. Aisi frod websites ke dvara Thodi bahut jod tod kar ke kisi aur ki mahenat se taiyaar kiya gaya content republish kiya jata hai. Is tarh ki pareshani se nijaat pane ke liye, ek sachet blogger ko kya kadam uthane chahiye isi Vishay ke bare mei yeh lekh hai.     

     

    Website content ko Chori Hone se Bachane Ke liye Upyogi Tarike

     

    1. Build Authority Technique –

    Agar aap ko aisa lagta hai ki aap ki website ka valuable content kisi fraud publisher ke dvara copy kiya jaa raha hai to aap is anaytik gatividhi ko rokne ke liye build authority technique ka sahara le sakte hain. Agar aap ka content original hai aur easy readable language me likha gaya hai to aap aasani se build authority technique ke sahare plagiarism ki tension se chhutkara paa sakte hai.

    Authority built karne ke liye aapko apne post ko sahi tarike se promot karna hota hai. Waise to aasan nahin hota hai har kisi ke liye authority built techniq ke sahare apne content ko surakshit karna par agar aap ka website regularity quality content publish kar raha hai to aasani se authority gain kar payega.

    Content authority kaise build kare?

    • Information provide karne vale post zyada likhe, jaise ki “how to make a blog” ya “how to earn money” etc… aisa karne se aap ka blog lambe samay tak demand me rahega, aur aap ke blog website par repeatedly visitors aate rahenge. Is baat ka notice search engine hamesha lete hain. Aur is tarh aap ke blog ko search engine mei prominent placement prapt ho jayea. Aur aap ke content ki reliability badh jayegi. Content authority built karne ka yeh ek uttam tarika hai.
    • Kisi ek yaa do Vishay (niche) par quality content vala website likh kar content authority aasani se built ki jaa sakti hai. Zyada tar log apni website par das se le kar bees tarah ki category bana kar alag alag Vishay par articles likhte hain aur publish karte hain. Yeh ek galat tarika hai. Agar aap kisi bhi Vishay par content authority jald prapt karna chahte hain to aap ko apne blog ko ek yaa do focused vishay (niche) par hi banana chahiye. Kyun ki normally audience jab kuch search karna chahti hai to usi website ko chunti hai jo website specific niche par aadharit ho. Kripya agar aap ka gyaan novel aur kahaniyon mai hai to usi par likhe aur technology aur gadgets par aap likh sakte hain to usi Vishay par focus kare . aisa karne se ek niche par aap ko maharat bhi hasil hoti jayegi aur aap content authority bhi jaldi built kar payenge.
    • Ek patrkaar ki tarh sochne, apni audance ko industry mei hone vale badlaav aur nayi nayi jankariya pradaan karta hua article publish kare. Aur sath mei genral awareness, genral news ke bare mei bhi kabhi kabhi informative post publish kare, aisa karne se aap ka ek pattern set hoga aur aasani se aap content authority build kar payenge.

    2. Generate inbound links

    Inbound link content chori karne valon ke liye ek headache (sir dard) sabit ho sakta hai. Kyun ki content kahin bhi pest karne par aap ki set ki huyi back links bhi sath me travel karti hain. Is liye content churane vale ko manually un links ko hatana padta hai.

    Agar aap wordpress software use kar rahe hain to aap wordpress INK naam ka plugin use kar sakte hai. Aur agar aap apne website par plugin use nahin karna chahte hai to yeh kaam aap TYNT script ka use kar ke bhi kar sakte hai. Kai bade blogger isi TYNT script ka use karte hai.

    3. Set a warning massage for content thieves 

    Agar aap apne website par DCMA badge ka label massage rakhe to content churane vale chori karne se pahele das baar sochenge. Aur saath me aap home page par warning massage bhi set kar sakte hai. Agar aap ko aisa lage ki aap ka content kisi website ke dvara churaya jaa raha hai aur use ho raha hai to aap DCMA ko complaint bhi kar sakte hain.

    4. Newsletter aur feed ko late schedule Karen

    Jab bhi aap nayi post likhe to instant feed subscribe karne vala aap ke article ko copy kar ke use jod tod kar apne naam se apne website par publish kar ke social network websites par promot sakta hai. Is liye article publish kar den ke baad ek yaa do din baad hi newsletter aur feed subscriber ko prapt ho sake aisa smart setup karna kafi zaruri hai. Aur sath sath nayi post publish karte hi aapko us post ki links social networks par promot kar deni chahiye taki aap ki content authority audience ke samne prove ho jaye.

    5. Apne website par right click disable kar den

    Content ko chori hone se bachane ka yeh ek kargar tarika hai. Agar koy vyakti aap ke website par right click nahin kar payega to use content copy karne me puri dikkat hogi. Page source ke madhyam se fir bhi content chori kiya jaa sakta hai par sare chor itne inteleget aur talented nahin hote hai, is liye right click block kar dene se content churane valo ko discouragement milega.

    Agar aap ka website programming aur web designing jaise vishayo par aadharit hai to aap ko right click disable taknik ka istmaal nahi karna chahiye. Kyunki kabhi kabhi aap khud chahte hai ki aap ke dvara publish kiya hua program aur design log copy kar ke istmaal karen. Yeh tarika dohri talvaar ki tarh hai jis se users annoy bhi ho sakte hai aur content chori hone se bhi bachta hai. Is liye soch samaj kar hi is taknik ka istmaal Karen.

    Note- right click disable karne ke liye google search me how to disable right click karne par anginat java script codes mil jate hai jise website ke  HTML section mei </body> tag ke pahele pest karna hota hai.

     

    6. Always set excerpt RSS feed

    Nayi post publish karne par aap ke RSS subscribers ko hamesha excerpt post newsletter hi bheje puri post nai. Aisa karne se subscribers read more ki link khol kar aap ke website par aayenge aur traffic badhega. Content churane vale ka samay jitna zyada west hoga aap utni hi jaldi se aur zyada, apne naye blog post ko promot kar ke content authority set kar payenge.

    7. insert copy right symbol to your post pages  

    Agar aap wordpress use kar rahe hain to aap WP copyprotect plugin ka use kar ke apna content lock kar sakte hai, aisa karne se koyi lichar aap ke post se images aur text copy nahi kar payega. Agar aap apne post pages mei apna copy right logo symbol ya embossed light texts background m me add kar de to content churane vala copy karne se pahele das baar sochega.

    Aap apna content “Creative Commons Licence” ke madhyam se bhi surakshit kar sakte hai.  Aur aap copyscape website software ka istmaal bhi kar sakte hai, is ki madad se aap ko apne original content ki copy karne vale websites ke pages ka list mil jayega. Copyscape pura website to scan nahi karta par individual pages zarur scan kar deta hai. 

     

    Answered on June 14, 2016.
    Add Comment

    right click block kar sakte hain apne blog ka. jisse koi bhi chij copy nahi hogi 🙂

    Answered on June 15, 2016.
    Add Comment

    Your Answer

    By posting your answer, you agree to the privacy policy and terms of service.